Bidaia agentzietatik erabiltzaileek denetariko mezuak jaso dituzte. Atzo komunikabideek behin eta berriro adierazi zuten hobe zela jendea etxean geratzea, aireportuak ez kolapsatzeko; bidaia agentzia batzuetatik bezeroei adierazi diete internet bidez jarrai ditzatela euren hegaldien azken ordukoak; airepotura joateko gomendioa jaso duenik ere bada, hegaldia irteten ez bada, erreklamazioa jartzeko. Hala, Goienaren galderei erantzun dieten Arrasateko hiru agentzietatik adierazi dute, eurek gutxienez 100 bezero dituztela egoera horretan. Noski, ez dira Arrasateko bidai agentzia guztiak, ezta debagoiena osokoak ere. Horrek esan nahi du ibarreko lagun asko geratu direla, oraingoz, ez aurrera ez atzera.
Espainiako Gobernuak alarma egoera aldarrikatu du
Egoera horren aurrean, Espainiako Ministroen Kontseilua goizeko bederatzietatik eguerdira arte ezohiko bileran izan da, aire kontrolatzaileen lanuzteak sortutako krisia dela-eta. Euskal aireportuetan kontrolatzaileak euren postuan daude goizetik, baina aire trafikoak itxita segitzen du. Aireportuen irekiera 13:00etatik 19:00etara atzeratu dute.