Goizeko lehen orduetan elurra sendo bota du Deskargako mendatean. Hala ere, Ertzaintzak azaldu digunez, elurra kentzeko makina pasa da eta errepidea garbi dago Deskargan. Ertzaintzaren arabera, ez dago inolako auto ilararik ezta ere arazorik Debagoieneko errepideetan. Elgeta, Arlaban, Udana eta Gatzagan ere errepidea garbi dago. Herri Saingo sailetik kontuz gidatzeko esakatu dute. Izan ere, elurraren maila 200-300 metrotan egongo da goizean, baina arratsaldean 500 metrora igoko da. Tenperaturak hotzetik jarraituko du.
Euskalmet-en arabera, eguraldiak ildo beretik jarraituko du. Egunaren lehen partean espero dugu prezipitazio gehiena botatzea, gainera kantauri isurialdean trumoi-ekaitzak eta txingorra bota ditzake. Eguerditik aurrera atertzeko joera hartuko du eguraldiak, hobetzeko joera hori barnealdean igarriko da lehendabizi eta kostaldean beranduago atertuko du. Elurraren maila 200-300 m-ra egongo da goizaldean eta goizean, baina arratsaldean 500 m-ra igoko da. Tenperaturak hotzetik jarraituko du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.