Azaroaren 22an da Santa Zeziliaren eguna, musikarien zaindariaren eguna; bada apurtxo bat aurreratu, eta azaroaren 19an Arrasate Musikaleko ikasleek kontzertua egingo dute, eta bandak, kalejira.
Musikaleko ikasleen kontzertua Kulturaten izango da, 18:30ean. Ohi duten moduan eskolan dihardutenek ikasitakoa erakutsiko dute taula gainean. Beraz, makinatxo bat instrumentuk interpretatuko piezak entzun ahal izango dira, 30 bat ikasleren eskutik.
Bandaren kalejira, berriz, egun berean izango da, 19:30ean. Portaloitik atera, Abaroa ingurura joko dute eta gero plazara buelta egingo dute, “hor inguruan ibiliko gara”, adierazi dute Arrasate Musikaletik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.