Hori horrela, honako prebentzio neurriak aplikatzeko eskatu du: ate, leiho eta toldoak itxi eta ondo lotu; kendu lorontziak eta kalera eror daitezkeen gauza guztiak leihoetatik; aldamio, garabi eta obrako beste elementuak ondo lotu.
Urrundu obretatik
Kanpoan egonez gero, berriz, honako gomendioak egin ditu: urrundu pareta, zuhaitz edo publizitate-hesietatik, eta kontuz ibili egiten ari diren etxeen edo kolokan dauden eraikinen aurretik.
Kontuz bidaiatzen
Eta bidaiatzea tokatuz gero, gomendioa da ahal bada ez bidaiatzeko errepidez, eta bestela kontu handiz jokatzeko.
Eguraldi iragarpena
Honako hauxe da Euskalmeten gaurko eguraldi iragarpena:
Zerua oso hodeitsu egongo da, tarteka estalia. Zaparrada txiki-ertainak botako ditu, sarriak eta ugariak egunaren bigarren zatian eta bereziki kantauri isurialdean. Trumoi-ekaitzak izateko probabilitatea txikia da. Goizean goiz elur-kota 1100-1200 m inguruan kokatuko da, goizean zehar igo egingo da 1500 m-tik gora kokatuz. Mendebal-osagaiko haize bizi-gogorra ibiliko da, bolada gogorrekin eta oso gogorrekin. Tenperatura maximoetan, aldaketarik ez edo gutxi jaitsiko dira.