Zugaz.com-eko jokoek arrakasta itzela gaztetxoen artean

Maider Arregi 2009ko uztailaren 1a

Orain dela aste gutxi aurkeztu zen gaztetxoendako Zugaz.com sare soziala. Mezutxoen arteko dinamika handia izan da ibarreko gaztetxoen artean. Hala ere, orain arteko arrakasta nabarmenena jokoek izan dute. Dagoeneko milaka bider jokatu dute sare sozialeko kideek. Papa Louie izeneko jokoan, esaterako, 1.150 bider jokatu dute erabiltzaileek.

Amaia Txintxurreta Zugaz.com-eko webmasterrak, balorazio oso positiboa egin du: "Erabiltzaileen kopurua etengabe goraka doa eta parte-hartzea handia da. Egia da jokoek arrakasta handia dutela, baina argazki, bideo edota mezutxoen atalek ere zeresana ematen dihardute". Jokoetan, gainera, gaztetxoen arteko harremana sustatzen dela ere azpimarratu du Amaia Txintxurretak. Papa Louie izeneko jokoan, adibidez, gaztetxoek iritzi eta gomendioak egin dituzte.  8.000 joko txikitik gora daude webgunean bertan jokatzeko.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak