Zubian turistendako ordutegi berezia bulegoetan eta museoetan

Oñati, Arantzazu, Gatzaga eta Bergarako Turismo Bulegoak zabalik egongo dira zapatuan, domekan eta astelehenean. Bestalde, Arrikrutz, Arantzazuko Santutegia eta Gatz Museoa ere zabalik egongo dira.

Bergarako bulegoa 11:30etik 14:30era zabalduko dute hiru egunetan, eta tarte horretan bisita gidatuak egingo dituzte. Gatzagako bulegoa 10:00etatik 14:00etara eta 17:30etik 21:00etara zabalduko dute hiru egunetan. Baina, bakarrik bi bisita gidatu egingo dituzte egunero: 11:00etan eta 12:00etan.

Oñati-Arrikrutz-Arantzazu

Oñatiko Turismo Bulegoa egunero zabalduko dute: bihar eta etzi 11:00etatik 14:00etara eta 16:00etatik 18:00etara; eta astelehenean, 11:00etatik 14:00etara. Unibertsitatera eta parrokiara bisita gidatuak egingo dituzte, 12:00etan eta 16:30ean. Arrikrutz neguko ordutegiarekin zabalduko dute 10:00etatik 14:00etara, eta 15:00etatik 17:00etara. Aurrez txanda hartzea aholkatzen dute 943 08 20 00 telefonora deituz. Bestalde, Arantzazun hiru bisita gidatu egingo dituzte egunero: 10:30ean, 11:30ean eta 12:30ean. Eskoriatzako Ibarraundi Museoa itxita egongo da zubian zehar.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.