Zenbait arazo goizean, euriaren ondorioz. BIDEOAK

Deba ibaiaren arroan, Elorregin eta Oñati errekaren inguruan aurre alarma egoeran daudela jakinarazi du Foru aldundiak. Luis Mari Agirrek Bergaran jasotako datuak eman dizkigu, eta datu horien arabera, 80 litro bota ditu metro koadroko atzo goizeko bederatzietatik gaur goizeko bederatziak arte. Alderaketa bat egiteko, urtarrila guztian bota duenaren herena egun bakar baten bota du. Bestalde, arazoak ere izan dira ibarreko zenbait herritan pilatu den uraren ondorioz.

Errekak hazita doaz, eta Urkuluko urtegia ere bere edukiera mailaren mugetara heltzen ari da. Hala, bere edukiera maila, atzoko datuen arabera %96aren inguruan dago. Gaur botatakoarekin gora egingo zuen maila horrek, baina momentuz behintzat, ur Kontsortziotik adierazi digutenez ez dute ateak zabaltzeko abisurik eman.

Eusko Jaurlaritzak bere aldetik, eta zenbait errekek gainezka egiteko duten arriskuaren ondorioz, Uholdeen Kontrako Larrialdi plana jarri du martxan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.