Antzuola izan ezik, mankomunitateko gainerako herri guztietan jarri dute martxan Zatoz Euskaraz! kanpaina. Bi izango dira kanpaina honen jomugak: batetik, alderdi politikoak, eta bestetik gizartea orokorrean.
Maiatzean egingo diren udal hauteskundeetara begira, eta administrazioan euskararen normalizazioa lortzeko asmoarekin, ibarreko herrietan aurkeztuko diren alderdi politikoekin harremanetan jarri dira kanpainaren eragileak, euskara aintzat har dezaten.
Alderdien aldetik, erantzun ona jaso dutela azpimarratu dute Mankomunitateko ordezkariek.
Herritarrei ere deia
Baina, kanpaina ez dute politikariengana bakarrik zuzendu nahi izan. Azken urteetan udal administrazioetan hizkuntz normalizaziorako eman diren pausuak ikusita, herritarrei administrazioarekin euskaraz egiteko deialdia egin nahi zaie.