Zapatuko manifestaziorako deia egin du AHT Gelditu! Elkarlanak

Datorren zapatuan, hilak 15, egingo da manifestazioa "AHT Gelditu! Inposaketarik ez!" lelopean Arrasaten. Debagoieneko AHT Gelditu! Elkarlanak salatu du, Abiadura Handiko Trenaren proiektuaren aurka egiten ari diren hainbat udalerrietan Espainiako Sustapen Ministerioa eta Eusko Jaurlaritza lanak hastekotan direla.

Gaineratu dute, gizartea nahastu nahian dabiltzala, gatazkaren jatorrian dauden arrazoi ekologiko eta sozialen gainean nahasmena sortuz, kalteturiko udalerrietan herri galdeketak egitea eragotziz, eta desobedientzia zibileko protesta ekintzak kriminalizatuz.


Hala, Abiadura Handiko trenak eragingo dituen txikizioak eta ondorio sozioekonomiko larriak salatu dituzte, eta zapatuan, hilak 15, 17:00etan hasita, Abiadura Handiko trenaren aurka egingo den manifestazio nazionalean parte hartzeko deia egin dute.

Bestalde, Bergarako gazteek ere gaur arratsaldean egingo dute prentsaurreko bidez, zapatuko manifestazioan parte hartzeko deia.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.