Oinarrizko errentadunak
%100eko hobaria izango dute oinarrizko errentadunek. Erabiltzaileak 10 euro kargatuz gero, sistemak 20 euro kontatuko dizkio. Diputazioak emango dio Lurraldebusi 10 euroko alde hori.
Txartel hau eskuratu nahi dutenek, ohiko txartela eskuratzeko inprimakiaz gain, errolda agiria eta Gizarte Zerbitzuetako sailak emandako agiria aurkeztu beharko dituzte.
65 urtetik gorakoak eta elbarriak
65 urtetik gorakoek eta elbarriek (%65etik gorako minusbalia dutenek) %20ko hobaria izango dute. Eskaera egiteko, 65 urtetik gorakoek errolda agiria aurkeztu beharko dute; elbarriek minusbalia agiria.
Familia ugariak
Ugariak izeneko txartelak familia ugariak sarituko ditu. Hiru seme-alabakoek, %20ko hobaria izango dute; lau seme-alaba edo gehiago izanez gero, %50eko hobaria izango dute. Ugariak txartela egiteko familia liburuaren kopia konpultsatua aurkeztu behar da.
10 urtetik beherakoak
10 urtetik beherako umeek doan bidaiatzeko txartela izan beharko dute. Hala, Lurraldebusek kontatu ahal izango du zenbat umek bidaiatzen dute eta zein konpainiatan, gero Diputazioak enpresa horri dirua eman diezaion.