Marta Garmendia Mankomunitateko ingurumen teknikariaren hitzetan, egungo bizimodu erritmo azkarraren ondorioetako bat da erabili eta botatzearena, komodoa delako, azken finean. Egia da, bestalde, gero eta gehiago birziklatzen dela, baina bere esanetan sustraietara jo behar da, hobe delako beharrezkoa ez dena ez sortzea, sortu eta ondoren birziklatzea baino.
Mankomunitatearen gida eskutan, bertan jasotzen diren gomendioak jarraitzen dituenak gainera, nabarituko du poltsikoan ere.
Konponketak egiteko gida
Informazio, adibide eta aholkuez gain, konponketak egiten dituzten establezimenduen zerrenda ere badakar gidak eta, tartean, bitxikeriak ere bai. Bertan irakurrita jakin dugu, adibidez, aluminiozko freskagarrien lata bat fabrikatzeko beharrezkoa den energiarekin, telebista bi orduz egon daitekeela funtzionamenduan.
Orotara, 22.500 ale banatu dituzte etxez etxe eta ikastetxeetan ere utzi dituzte.