Gaur eguerdian inauguratu dute agintariek AP-1eko Eskoriatza-Luku zatia, 17 kilometrokoa. Ibilgailu guztiendako, berriz, 16:00etan zabaldu dute. Juan Jose Ibarretxe lehendakariak, Markel Olano Gipuzkoako aldun nagusiak eta Xabier Agirre Arabako aldun nagusiak egin dituzte hitzaldi garrantzitsuenak. Hirurek "zorionak" eman dizkiete obrak egin dituzten guztiei eta baita Deba arroari, eta azpiegitura handi horren garrantzia azpimarratu dute. Bestalde, Pedro Lasagabaster Eskoriatzako alkateak idatzi bat egin du publiko esanez "oraindik egiteko dauden lanak asko direla eta neurri zuzentzaileak nahiz konpentsazio neurriak bukatzeko daudela". Albistearen erantzunetan duzue Eskoriatzako Udaleko alkatetzatik kaleratutako oharra osorik.
AP-1eko zati berri horrek Araba eta Gipuzkoa batzen ditu. Eskoriatza eta Isuskitza arteko zatiak (10,8 km) bost bidezubi eta bi tunel ditu, horietako bat, Isuskitzakoa, Euskal Herriko luzeena (3,4 km). Hantxe izan da, hain zuzen ere, inaugurazio ekitaldia, ordezkari politikoz eta komunikabidez beteta. Zati hori batzen zaio Araban dagoen Luku-Isuskitza zatiari (8 kilometro, 3 bidezubi eta 620 metroko tunel bat).
Orain, AP-1eko zazpi zatietatik sei zabalik daude, eta Arrasate-Eskoriatza zatia zerbitzuan jartzen den unean geratuko da bukatuta eta guztiz zabalik autobide osoa. Hori ekainean dago aurreikusita, eta, ordura arte, Luku-Eskoriatza zatian ibiltzeagatik ez da bidesaririk ordaindu behar izango.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
