Etxeko gastuak eta erosketa saskiarenak
- Batetik, etxeko gastuetako fakturetan sumatuko dugu prezioen igoera. Argia, gasa eta uraren kontsumoari dagokionez. Zehatzago esanda, argiak %3,3, gasak, %4,8 a eta urak %9ko igoera izan dute.
- Horrez gain, telefonoa erabiltzeagatik ere %3 gehiago ordaindu beharko dugu aurrerantzean.
- Esan beharra dago, udal tasek ere gora egin dutela.
- Etxeko saskian ere igarriko dugu prezioen igoera; horien artean, ogiari dagokionez. Gaurtik aurrera, ogi barra bakoitzeko 5 zentimo gehiago ordaindu behar dugu-eta.
Tabakoa eta autopista
Aipatutakoak ez dira igoera bakarrak. Erretzaileak direnek ere, esaterako, gehiago ordaindu beharko dute aurrerantzean, tabakoak orokorrean, %3ko igoera izan du. Eta 2008an ere, gehiago ordaindu beharko dugu autopista erabiltzeagatik ere: egun Bergara Iparretik Donostiarako bidaiak herenegun baino 5 zentimo gehiago kostatzen da. Eta Bilbora berriz, 12 zentimo gehiago. Aipatzekoa da, ordainsariek izan dute igoerarekin, prezio bitxiak izango dituztela aurrerantzean: horren adibide, 4,42 eta 4,89 moduko salneurriak.
Egunkariak
Egunkariei dagokienez, bi izan dira igoera izan dutenak: Berria eta La Gaceta de Los Negocios. Legeak ez du arautzen egunkari guztiek igoera une berean izatea.
Urtea hasi besterik egin ez den horretan, horiek dira, bada, prezio batzuetan izan diren aldaketak, baina urteak aurrera egin ahala, izango omen dira gehiago.