Ibaiek gainezka egiteko arriskua, euri-jasaren ondorioz

Haizetearen ostean etorri zaigu euria. Zaparrada handiak botatzen dihardu atzo ezkero eta ur kopuruak gora egin du menditik behera datozen errekasto eta erreketan. Urtegietan ere igarri da uraren kopurua igo egin dela. Urkulu, adibidez, atzo %96,15ean zegoen. Edozelan ere, Gipuzkoako Ur Kontsorziotik aditzera eman dute oraingoz, behintzat, urtegiak ez duela gainezka egiteko arriskurik, eta, beraz, ez dutela zabaltzeko agindurik eman.