Ukituak ukitu, guztiek eman dute euren danbatekoa

Gustuen kontua beti da konplikatua baina Danbakako aurtengo taldeek badirudi gauzak zailtzea erabaki dutela. Oraingoan ere joera berretsi da eta aitzakia tekniko gutxiko taldeak izan dugu. Horren ostean, bakoitzak ekar dezakeen berezitasuna besterik ez da gelditzen, bada. Denetariko ukitu rock-and-rolleroak ekarri dituzte Foxy Boxxikoek, funk printzekin, Igor San Juanek ukitu pop eta baikorra ekarria du ia Big Band bat igota. Indarra, bortizkeria eta trinkotasuna – eromena ere asko – Normanekoek ekarri dute eta amaitzeko Hilbetekoen hard core melodikoa. Kronika osoa Asteleheneko Goienkarian eta aperitiboa Danbaka.com-en.