UGTk Arrasaten egin duen batzarrean irailaren 29rako greba deitu du

Euskadiko UGTko idazkari nagusi Damaso Casado Arrasaten izan da gaur goizean irailaren 29rako deitu duten greba deialdiaren berri emateko. UGTko delegatuen batzarra izan da eta bertan esan dute beharrezkoa dela sindikatuen bateratzea langileen egoerari aurre egiteko. Damasok dei egin die langileei irailaren 29an kalera irteteko. Esan du langileak kontziente izan behar dutela bizi dute egoeraz; dagoeneko soldata jaitsiera izan dute eta parlamentuak onartu duen lege proposamenaren arabera pentsioak ere arriskuan daude. Bestalde, UGTk deia egin die politikoei. Damasok dio ezkertiarrak diren politikoek ez luketela gobernuaren proposamena onartu beharko.