Gaur goizaldeko 5:09ean eman diogu ongietorria udazkenari. Uda agurtu eta aurtengo udazkenak 89 egun eta 20 ordu izango ditu. Udazkena abenduaren 22an bukatuko da.
Asko dira udazkenaren ezaugarriak, perretxikoak horietako batzuk. Momentuz, baina, hauekin ez dago oraingoz gozatzerik. Izan ere, euri faltak perretxikoak irtetea oztopatzen du, eta egunotan gure inguruetan perretxikoak aurkitzea ez da lan erraza.
Jose Mari Larrañaga perretxiko zaleak azaldu digu zergatia.
Aurtengo perspektibak beraz, oraindik ez dira bete. Adituek diote udazken honetan, dagokiona baino euri gutxiago izango dugula orokorrean. Hala ere, euria egin eta giroa ez bada hozten, azarora bitartean oraindik badago aukerarik perretxikoak hazteko, onddoak batez ere.