Udalekuetan izena emateko aukera oraindik badute txikitxoek

Txatxilipurdi, Loramendi eta Jardun euskara elkarteek elkarrekin antolatu dituzte aurtengo udalekuak. Hala, 10 eta 12 urte bitarteko gaztetxoendako plaza libreak daude oraindik. Uztailaren 1etik 8ra bitartean, Getariako Askizu auzora joan nahi dutenek izena eman dezakete, beraz.

250 euroko kostua dauka (familia ugariko kide izanez gero %5eko deskontua egingo da).
Bestalde, Kosta ala Kosta udaleku ibiltaria egiteko plazak beteta daude. Uztailaren 5etik 16ra, Garaion hasi eta Zarautzera joango dira 20 bat gazte (14 eta 16 urte bitartekoak). Ibilbidean barrena sorpresak izango direla aurreratu digu Lander Juaristi euskara elkarteko antolatzaileak. "Arabatik hasi eta Gipuzkoara barrena egingo dugun ibilbidea, abentura bat izango da", gaineratu du Juaristik.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.