Aurrekontuok urriaren 15eko batzarrean onartu zituen Euskal Finantza Publikoen Kontseiluak. Gipuzkoa osorako, 394,9 milioi euro aurreikusten dira, 57,1 milioiko (+%16,9) igoera.
Zerga-bilketa, maila baxuan
Aurreikuspen ona da, hortaz, bailarako udalendako, krisiaren eraginez zerga-bilketa gura baino txarragoa den honetan. Hala, 2009ko itxiera aurreikuspenean, 2009ko ekarpena %23,9 jaitsi dela berretsi zen. Azken hilabetean, zertxobait hobetu da zerga-bilketa, baina oraindik txikiegia izaten jarraitzen du: hala, irailaren 30era arte, zerga-bilketa likidoa %22,8 gutxitu da aurreko urtearekin alderatuta; abuztura arte, %23,1ekoa zen jaitsiera. %22,8ko murrizketa horrek bi osagai ditu: zerga-batze gordina %14,1 gutxitu izana eta itzulketak %13,9 handitu izana.
"Zerbitzuak arriskuan egon daitezke"
Fondo horrekin lotuta, Ezker Batuko Gipuzkoako batzarkide Arantza Gonzalezek eskatu dio Foru Aldundiari uko egin diezaion udalek bueltatu beharreko Fondoko diruari, izan ere, bere hitzetan, "krisi garai honetan, herritarrei ematen dieten zerbitzuetan murrizketa zorrotza ekarriko luke horrek, eta bakarrik herrian ematen diren zerbitzu batzuk arriskuan ere jar dezake".
Honela geratu da 2010eko aurrekontua:
Herria | Jaso beharrekoa |
---|---|
Antzuola | 1.169.278 € |
Aretxabaleta | 3.672.658 € |
Arrasate |
12.089.596 € |
Bergara |
8.199.654 € |
Elgeta | 602.341 € |
Eskoriatza | 2.240.702 € |
Leintz Gatzaga | 215.501 € |
Oñati | 5.957.891 € |
GUZTIRA | 34.147.621 € |