Bai udalbiltzari bai Euskal Herriari lelopean, bi elkarretaratze egin zituzten eguen arratsaldean. Bata, Arrasaten eta bestea Bergaran.
Bergarako elkarretaratzean, 120 lagun inguru batu ziren eguen arratsaldean. Pankartaren atzean, Udaleko alderdi ezberdinetako ordezkariak (Ezker Abertzalea, Ea, EAJ eta Aralar); sindikatu, eragile politiko eta sozialeko ordezkariak ere batu ziren. Gustora azaldu dira "ateratako argazki koloretsu eta anitzagatik". Gaineratu zuten akusazioak ez daulaka proba-oinarririk: "Egunkaria auzian bezala, bultzada politikorik gabe proba-oinarririk ez dago".
Udalbiltzaren aurkako auzian 22 pertsona daude auzipetuta. 10 eta 23 urte bitarteko espetxe zigorra eskatzen du auzipetuendako fiskaltzak. Epaiketa hasi da, eta elkarretaratzeak egin dituzte Bergaran eta Arrasaten auzipetuendako absoluzioa eskatzeko. Gaur arratsaldean, Arrasaten egingo dute bigarren elkarretaratze bat, 19:00etan. Horretaz gain, bihar 17:30ean manifestazioa izango da Bilbon, eta bertara joateko autobuseko txartelak salgai daude Irati tabernan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak