Hala, otsailaren 13a, eguaztena, egun haizetsua izan zenez, "apirila haizetsua izango da eta tenperatura epelekin", esan zigun Joxe Landak. Otsailaren 15a eta 16a, egubakoitza eta zapatua, eguzkitsuak izan ziren; "hortaz, maiatza eta ekaina ezin hobeak izango dira". Aspalditik dugu euri falta eta tenporek diotena ikusita "lehorte arriskua " egongo dela uste du Joxe Landak.
Peio Zabalak eman dizkigu euriari buruzko azken datuak. "Azkeneko ilbetean lau egunean bakarrik egin du euria: urtarrilaren 31n, otsailaren 1ean, 2an eta 3an. Lau egun haietan, guztira, 30 litro euri bildu ziren".
Otsailaren 13an, 15ean eta 16an izan ziren urteko lehen tenporak; hain zuzen, apirilerako, maiatzerako eta ekainerako eguraldia aurreratzen dute. Hala, eguraldi iragarle Joxe Landak esandakoaren arabera, "udaberria orokorrean eguzkitsua izango da". Bestalde, atzo bertan bukatutako kontratenporei kasu eginez Peio Zabalak dio, "martxoaren 26tik aurrera eguraldia aldakorra" izango dela.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak