Donostiako Elizbarrutiko aisialdi taldeen federazioko kideen jai eguna da Txirrin Txarran-a, eta urtero herri ezberdin batean ospatzen dute talde guztietako gazte, begirale eta gurasoekin batera; esan moduan, Bergaran izango da aurtengoa eta 400 parte hartzailetik gora espero dituzte.
Egitarau zabala antolatu dute astebururako eta ekintza guztiek aldaketa klimatikoa izango dute ardatz, hori baita aurten aukeratutako gai nagusia.
Zapatu arratsaldean hasiko dute festa jaialdiaren prestaketa lanekin; eta gauean afari herrikoia eta karaokea egingo dituzte, besteak beste. Iganderako, berriz, ohiko eukaristia eta bazkaria prestatu dituzte.