Oñatiko bulegoko Iñaki Igartua arduradunak hauxe diosku: "Oñatira, 300 lagun etorri dira, eta hori, hiru egunerako, primeran dago". Zapatuan, bisita gidatuak egiteko hiru talde izan zituzten.
Arrikrutzen, arazo txiki bat egon da: hango telefonoa hondatuta egon da, baina hori ez da oztopo izan kobak bisitatu gura zutenendako: hala, zapatuan, adibidez, txanda guztiak beteta zeuden.
Gatzagako arduradunek esan dutenez, "jende asko etorri da, eta halaxe espero zen. Jendeak eskatuta, Dorletara bisitak ere izan dira, gatz museoaz gain".
Turismo gehiena Euskal Herrikoa izan da, baina madrildarrak, bartzelonarrak eta, Eskoriatzan, irlandarrak ere egon dira Debagoienean bisitan.