Oñatiko turismo bulegoan lanpetuta ibili dira lau egunotan. Bertako arduradunek azaldu digute eguenean izan zutela lan gehien. Egun hartan 30 pertsona inguru hurbildu ziren bulegora bisita gidatuak egiteko. Horrez gain, gelditu barik ibili ziren turistei informazioa ematen. Arantzazun ere jende asko ibili zen eta jakin dugu aparkatzeko arazoak izan zituztela askok eta ondorioz herrira jaitsi behar izan zirela. Jatorriari dagokionez, bizkaitarrak izan dira etorri diren gehienak. Egun hauetan, beraz, atzerritar gutxi ibili da gurean.
Bergaran, ere bisita gidatuek erantzun ona izan dute. Hemen ere Euskal Herriko jendea ibili da gehien bat eta egun pasa etorri dira gehienak. Gatz museoan ere egin dituzte bisita gidatuak.