Topagunearen Spraikada aldizkaria doan eskuragarri

Topagunea, Euskara Elkarteen Federazioak, kaleratu berri duen Spraikada aldizkaria eskuragarri dago herrietako Euskara elkarteen bulegoetan eta baita zapatuan, Mutrikun izango den 6. Spraikada jaialdian ere. Aipatutako aldizkarian, aurreko Spraikada edizioetako graffitilarien lanak batu dituzte, horien artean, debagoieneko artisten lanak. Sonia Perez de Angera, Topaguneako gazte saileko arduradunak Arrasate Irratian kontatutakoak dituzue jarraian entzungai.

Spraikada aldizkarirako ideia iaz sortu zen izen bereko lehiaketako hainbat parte hartzaileen eskutik. Maiztasun finkorik gabeko agerkaria da; bultzatzaileek ez dute alboratzen aurrerantzean, beste aleren bat kaleratzea. Gazteek, hasieratik bukaeraraino bultzatu eta egindako proiektua da. 68 koloretako orri ditu. Topagunea eta Spraikada webgunetan dago aldizkaria eskuragarri. 

Topaguneak bultzatutako Spraikada, Euskal Herriko graffiti lehiaketaren 6.edizioa, zapatuan, Mutrikun izango da. Aipatutako lehiaketaz gain, tailerrak eta musika ikuskizunak ere izango dira.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.