Hain zuzen, hiru ekitaldi nagusi egingo dituzte:
- Maiatzaren 24an, Durangon, hor aurkeztu zelako Topagunea 1997an. Bazkideendako ospakizuna egingo dute han.
- Ekainaren 16an, Bilboko Zazpi Kaleetara aterako dute Kultur Errota areto txikietarako ikuskizunak antolatzeko ekimena.
- Azaroaren 23an eta 24an, jardunaldiak egingo dituzte Donostian, urteotako lana aztertzeko eta erronkak finkatzeko.
Txatxilipurdikoa
Aipatzekoa da Zuzendaritza Batzordea berritu dutela eta bi kide berrietako bat debagoiendarra dela: Elena Herrarte, Arrasateko Txatxilipurdi elkarteko ordezkaria.
Balantzea
Iazko balantzea ere egin zuen Topaguneak. Bereziki azpimarratu zituzten mintzapraktika hartzen ari den garrantzia; kulturgintzako asmo berriak, tokiko hedabideetan egiten ari diren hausnarketa eta lurraldez lurraldeko asmo berriak ere izan zituzten berbagai, besteak beste.