'Komunikaldiak' izeneko jardunaldiak egin dituzte gaur Eskoriatzako HUHEZI fakultatean. Gaia tokiko telebista euskaraz izan da eta hainbat alorretako adituek hitz egin dute tartean, Edurne Basoa Jaurlaritzako Komunikazio Gaietako Zuzendariak, edota Iñaki Uriak, Hamaika Telebista Digitala Hedatzeko Zuzendari Nagusiak. Inazio Arregi, Goienako Zuzendari nagusia ere hartu du hitza ikasleek gertutik ezagut ditzaten tokiko telebistaren erronka berriak.
Mondragon Unibertsitateak etorkizun hurbileko errealitatera gerturatu gura izan du jardunaldiokin. Hain zuzen ere, Eusko Jaurlaritzak duela gutxi onartu du tokiko telebistak digitalizatzeko dekretua. Horren arabera zehaztu dituzte sistema berria barneratu gura dutenendako baldintzak eta betebeharrak.
HUHEZIko ikasleei zuzendutako hiltzaldien helburua bikoitza izan da: batetik, ikasleei gerturatzea tokiko telebistaren inguruko gaia, eta, bestetik, argi pixka bat egitea tokiko telebista digitalaren inguruan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
