Epaimahaiaren arrazoiak
The Wet Band
"Bete egin zuen kontzertuak, gutxitik gehiagora joan da.
Azpimarragarria gitarra jotzailearen lana, tresnari probetxu guztia
atera zion. Kantariak ere ahots berezia du, distiraduna eta erregistro
zabalekoa. Kantu bakoitza bakarrik defendatzen da eta bikain ezkondu
zituzten estiloak. Kantuz kantu, melodia zaindu eta txukun jantzi
zituzten abestiak".
Norman
"Potentzia handiko taldea: aberatsak erritmikoki eta irmoki indartsuak.
Ahotsa pertsonala eta testura handikoa. Zurrunbiloa guztiaren jabe egin
eta ohikoari beste buelta bat eman zioten. Aurreikuspen guztiak
gainditu zituzten; ez zuten inor epel utzi. Loratuegia izan barik ere,
eraginkorrak dira instrumentu guztiekin eta baita konposizioan ere".
Adi Holden
"Eszenaratzea, basatia eta muturrekoa. Emanaldia, ongi egituratua eta intentsitate handikoa. Abeslaria animalia
da eta kantuak eta taldea bera muturrera eroan zituen. Kantu berean gai
dira une baten zati melodikotik berehala entzuleen azala urratzeko.
Ikuskizuna eskaini eta klimaxa ukitu zuten. Eromen kontrolatua taula
gainean".