Euskalmeten iragarpenak gaur iluntzerako elur-maila 400 metrotik gora dio baina prezipitazio asko barik. Hain zuzen ere, bihartik aurrera, tenperaturek beherako bidea hartuko dute eta prezipitazioak ugarituko dira. Bihar, eguaztena, 300-500 metro artean egongo da elurra eta, egunean zehar euri-elur gutxi espero bada ere, iluntzerako ekaitz arriskua dagoela diote iragarpenek, baita txingorra ere. Aldundiak gertu dauka neguko bidezaintza dispositiboa.
Eguena eta egubakoitza izango dira egunik hotzenak eta elurra beheren egingo duen egunak. Eguenean bertan ekaitz arriskua egongo da eta goizaldean 300 metrotara egin dezake elurra, egunean zehar 200 metrotara eta iluntzerako 100 metrotan. Egubakoitzean egun guztian zehar egongo da elur-maila 100 metrotan eta ekaitzerako arriskua ere egongo da.
Bidezaintza prest
Iragarpena horrela, Foru Aldunditik ere iragarri dute gertu daukatela neguko bidezaintza dispositiboa. AP-1a dela-eta areagotu egingo dituzte makinak eta zerbitzuak, hala, Arrasate eta Araba artean 6 makina egongo dira elurra kentzeko. Gure ibarrean Arlabanen, Gatzagan, Kanpanzarren eta Elgetan egongo dira makinak eta Elorregiko biltegian 2.100 tona gatz daude prest.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak