Telefonicak tarifa finkoa eta edukietarako mugagabeko sarbidea kentzeko asmoa azaldu du

Telefonicak Internet gehien erabiltzen dutenek gehiago ordaintzea proposatu du. Proposamena egin bezain laster, piztu da eztabaida Interneten. Erabiltzaileek diotenez, Europako ADSL preziorik altuenak daude Espainiar estatuan, eta gehienetan abiadura kontratatutakoa baino baxuagoa izaten da. Kontrapuntu gisa, herrialde nordikoetan Internet doan izatea legezko eskubidea dela ere adierazten dute erabiltzaileek. Kalera irten gara herritarrei euren iritzia galdetzera:

Julio Linares Telefonicako kontseilari delegatuak adierazi duenez, gaur egungo eredua krisian dago. Datuen trafikoak gora egin duen heinean, sarea mantentzeko kostuaren eta diru sarreren arteko oreka apurtu egin dela dio. Sarearen erabilera gainera, areagotu egin da telefono mugikorrekin. Horrek erabiltzaile ezberdinek egiten duten interneten erabilera areagotu egin du. Orain arte, tarifa finkoa zuten guztiek berdin ordaintzen zuten sarea, gehiago edo gutxiago erabili, eta era horretan, erabiltzaile ertainek, erabilera intentsiboa egiten duten pertsonen gastua ordaintzen dutela adierazi du Linaresek. Hala, tarifa finkoa eta edukietarako mugagabeko sarbidea kentzeko asmoa azaldu du.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.