Haize bolada indartsuak hasi eta gutxira sutea gertatu da Arrasateko San Kristobal mendian. Pinu bat goi-tentsioko dorre baten gainera erori da. Suhiltzaileak eta DYAko langileak San Kristobal hilerri inguruan ari dira lanean, sua itzali nahian, baina suhiltzaileak ez dira mendian lanean hasiko harik eta Iberdrolak argindarra eteten duen arte. Hori horrela egoera ez dago kontrolatuta eta haize bolada gogorrek egoera okertu besterik ez dute egiten.
Arrasateko sutearen jatorriari dagokionez azaldu dute oraindik ez dagoela argi zerk eragin duen.
Bailarako azken ordua (20:22)
Inguruko herrietan ere haizea hasi da arazoak sortzen. Adibidez, Aretxabaletan 18:00ak inguruan argi barik geratu dira eta oraindik ere horrelaxe jarraitzen dute. Arrasate eta Aretxabaletako errepide zaharra gainera, itxita dago Takoloko biribilgunetik aurrera zuhaitz bat jausteko arriskuan dagoelako.
Bergaran bestalde, Angiozarrerako bidea eten egin dute arratsaldean hamar zuhaitz jausi direlako eta lekukoek esandakoaren arabera arbolak ezin dira erretiratu beste batzuk gainera jausteko arrisku handia dagoelako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak