"Itxura ona" ikusten diete sindikatu deitzaileek maiatzaren 21eko greba orokor egunari, orain arte enpresa-batzordeen aldetik jaso duten erantzunari begira. Bailarako 93 enpresa garrantzitsuko –Stadler, Garay, Cegasa, Arcelor, Elay, Candy Hoover, Auzo Lagun, Ucem, Aita Menni, Recyde, Tesa…– ordezkari sindikalek greba deialdia egin eta batzarrak deituko dituzte enpresotan, eta kooperatibetan ere greba egingo duten itxaropena dute.
Horrela jakinarazi dute gaur, eguaztena, greba deialdia egin duten ELA, LAB eta ESK sindikatuetako Debagoieneko ordezkariek Arrasaten.
Gogorarazi zuten maiatzaren 21ean piketeak ibiliko direla 05:30ean, eta kale-agerraldia egingo dutela Arrasaten 18:30ean; sindikatuez gain, hainbat gizarte-eragile izango dira, "gizarteko zati handi bat delako kaltetua: gazteak, emakumeak…"
STEE, EHNE eta Hiru sindikatuek ere bere egiten dute deialdia.
"Xantaiari aurre"
Greba egiteko hiru arrazoi nagusi eman zituzten sindikatuok. Batetik, "patronalaren xantaiari aurre egitea" aipatu zuten; bigarren arrazoi nagusi moduan, "politika publikoak aldatzeko" beharra aipatu zuten; eta hirugarren arrazoia da "krisialdi honi aurre egiteko baliabide guztiak exijitzeko" beharra: "ekonomia, lan eta gizarte politikak Euskal Herrian bertan erabaki daitezen", laburtu zuten.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
