Sinadura bilketa, bidezko merkataritzaren alde

"Egizu planetaren alde. Aukeratu Bidezko merkataritza" izeneko kanpainaren barruan, sinadura bilketa egiten dabiltza gurean. Hain justu, eman daiteke kanpaina horren aldeko sinadura Eroski Hipermerkatuan dagoen Harreman erakundearen dendan. Atxikimendua emateaz gainera, kanpainaren gaineko informazioa ere eskura daiteke bertan.

Bestalde, Debagoieneko bidezko merkataritza elkartetik jakinarazi dute Debagoieneko eta Donostiako bidezko merkataritza elkarteak azken urteotan modu koordinatuan dihardutela lanean eta aurrerantzean ere hala segituko dutela. Elkarlan hori sendotzeko, asteburuan Aretxabaletan egin duten bidezko merkataritza azokan Donostiako ordezkaritza ere izan da.

Asteburuaren harira, berriz, bidezko merkataritza oinarri zuten hiru azoka egin dituzte gurean: Arrasateko Aita Menni Ospitalean, Antzuolan eta Aretxabaletan. Bada antolatzaileek ekimenaren oso balorazio positiboa egin eta jakinarazi dute 1.088 euroko salmentak egin dituztela. Hori horrela, eskerrak helarazi gura dizkiete azoka horietan parte hartu zuten guztiei.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.