Bigarrenez, Arrasaten egin zuten Debagoieneko eta Soraluzeko Musika Eskolek emanaldia. Amaia antzokia beteta, ordu eta laurdenez, gaztetxoen musikaz gozatzeko aukera izan zuten bertartau zirenek. 8-20 urte bitarteko ikasleek dena eman zuten taulan gainean. Musika alaiak eta erritmoz betetakoak, txalo zaparradak eragin zituen ikusle gazte zein helduen artean.
Arrasate Musikaleko irakasle eta ekintza arduradun Edorta Aiastui, oso gustura azaldu zen gaztetxoek egindako lanarekin. "Gazte askorengan ikusmina piztu zuen emanaldiak eta hori pozgarria da. Adin ezberdineko jendea izan genuen Amaian eta gustura gaure emanaldiak izandako harrerarekin".
Harremanak sustatuz
Musika Eskolek, orain zazpi urte abian jarri zuten ekimenak, sutraiak eman ditu. Helburua, musika ikasteaz gain, harremanak sendotzea ere badela azaldu zigun Aiastuik. "Gure asmoa, umeek elkar ezagutzea eta besteen lana entzutea ere bada". "Nahi duenak, musikan aritzeko eta ikasteko aukera dauka. G iro pareganean, harremanak ere sortzen dira gaztetxoen artean eta. Nahi duenak ateak zabalik ditu".
Maila paregabea
Soraluze, Bergara, Arrasate, Aretxabaleta, Eskoriatza eta Oñatiko Musika Eskoletako ikasleek, jendea zutik jarri zuten. Metal, jazz, folk eta rock doinuek, abesbatzen goxotasunekin bat egin zuten. Amaiera borobila, Bea Asurmendi Arrasate Musikaleko ikasle ohiak eman zion.