Lehen urtean zortzi bat lagun elkartu ziren Saint Jordi eguna ospatzeko baina dagoeneko 40 inguru elkartzen dira. Debagoienekoak ez ezik, Gipuzkoako beste herri batzuetan eta Araba eta Bizkaian bizi diren katalanak ere etortzen dira urtero Arrasatera egun hori ospatzera. Aurten ere Lasarte-Oriatik eta Elorriotik ere badatoz, adibidez.
Nagusiak zein umeak elkartu dira domekako bazkarian. "Guk seme-alabekin katalanez hitz egin arren, eurek aukera gutxi izaten dute euren adineko beste umeekin katalanez hitz egiteko eta horretarako ere izaten da egun hori, umeak umeekin elkartu, elkar ezagutu eta katalanez hitz egiteko", dio Josu Tornayk.