Saharako herriaren aldeko kontzentrazioak egin dituzte

Aminatou Haidar ekintzaile saharauiarra Saharara bidali zuten eguen gauean, Lanzaroteko aireportuan 32 eguneko gose greba egin ostean. Hala ere, Nubi eta Iesbaa elkarteek eguen eta egubakoitzerako iragarritako protesta ekimenekin aurrera egitea erabaki zuten.

Nubiko Agurne Juldainek honako hitzak esan zizkigun: "Saharako arazoa ez da inondik inora konpondu: herrialdearen askatasun nahia ez errespetatzeaz gain, 68 preso politiko eta 526 desagertutako daude".

Eguenean, Oñatin, Saharako maratoia izan zuten berbagai hitzaldian, eta horren ostean, kontzentrazioa egin zuten.

Egubakoitzean, berriz, kontzentrazio jendetsua egin zuten Arrasaten. Nubi eta Iesbaako kideek azaldu ziguten Aminatou askatu bezain laster, Marokoko poliziak El Aaiun eta Agachin jende ugari atxilotu, kolpatu eta sakelakoak eta argazki kamerak kendu zizkietela, lekukorik ez egoteko.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.