Gazte mailako txapelketan parte hartuko dute Realak, Gipuzkoako selekzioak, Bartzelonak, Real Madrilek, Osasunak eta Frantziako Auxer taldeak. Real Madril eta Bartzelona izango dira talde erakargarrienak eta, hain zuzen ere, bi talde horiek gurean jokatuko dute.
Bi multzo
Txapelketa hiru taldeko bi multzotan jokatuko dute. Lehenengo multzoan, Gipuzkoako selekzioak Osasunaren aurka jokatuko du. Eta, partidu horretako galtzaileak jokatuko du Bartzelonaren aurka zapatuan, hilaren 22an Agorrosinen. Partidua arratsaldeko 5etan izango da.
Beste multzoan, Reala eta Auxer lehiatuko dira lehenengo partiduan. Partidu horretako irabazleak Real Madrilen aurka jokatuko du domekan, hilaren 23an Azkoagainen arratsaldeko 5etan.
Txapelketako finala astelehenean, hilaren 24an jokatuko dute Anoetan arratsaldeko lauetatik aurrera.
Futboleko lehenengo mailara iritsi diren hainbat jokalarik jokatu dute realeko gazte mailako txapelketa; tartean, Iker Casillas, Guti, Guardiola, Jordy Cruyff, Ferrer eta De la Peña. Realeko Xabi Prieto ere gazte mailako txapelketan parte hartutakoa da
Mojategin ez da partidurik jokatuko
Orain arte Realeko txapelketako partiduak Bergara, Oñati eta Arrasaten jokatu izan dira. Atxabalpek urtetan hartu du Realak Aste Santutan antolatzen duen gazte mailako txapelketako partidu bat. Baina, orain, Mojategik belar artifiziala duelako ez dute Arrasaten partidurik jokatuko. Kontua da, datorren urtean Oñatikoak egoera berean egongo direla, Azkoagainen belar artifiziala jartzeko proiektua dago-eta