Hala, uztailaren 31n ibarreko taldeek guztira 49.100 euroko diru-laguntza jaso behar zuten Realaren eskutik –Gipuzkoa osoan 820.000 euro–; gurean inork ez du euro bakar bat ere ikusi.
Harrobiarekin lan egiteko
Gipuzkoako futbol talde gehienek Realarekin eta Diputazioarekin duten hitzarmenari esker egiten dute lan harrobiarekin. Kategoria txikietan dituzten talde kopuruak kontutan izanda Gipuzkoako futbol talde bakoitzak diru laguntza zehatz bat jasotzen du denboraldi bakoitzean. Diru laguntza horren erdia Diputazioak ematen du –ordainketa hori eginda dago– eta beste erdia Realak. Hala, hitzarmen horri esker Realaren futbol harrobia ez da Zubietara mugatzen, gainontzeko taldeetako jokalari gazteekin ere elikatzen da-eta Reala. Ikusteko dagoena da, denboraldia hastear, diru hori jasotzeko zain dauden taldeak zelan moldatuko diren kategoria guztiekin lanean jarraitzeko.
Realak zor duena, taldeka:
Antzuola 600 euro.
Bergara 11.000 euro.
Aloña Mendi 10.500 euro.
Aretxabaleta 15.000 euro.
Mondra 12.000 euro.