Ramon Etxezarreta gaur 'Goiena magazinea'-n

Eneko Azkarateren elkarrizketa saioan, gaurko gonbidatua Ramon Etxezarreta, Hizkuntza Politikarako sailburu ordea da. Euskararen gainean, euskarazko hedabideen gainean eta gaur-gaurko politikako kontuen gainean jardungo dute Goiena Telebistan 19:45ean hasita. Platoan egingo dizkieten galderez gain, ikus-entzuleek galderak egiteko aukera ezberdinak izango dituzte. Gainera, livestream zerbitzuaren bidez saioa zuzenean ikusteko aukera ere izango da. Goiena Telebistan, 19:45etik aurrera.

Ramon Etxezarreta, Hizkuntza Politikarako sailburu ordea, Azpeitiko Urrestilla auzokoa jaiotzez, azken urteetan Donostian bizi da. Kultura zinegotzia izan da Odon Elortzaren Gobernuan eta baita Donostiako Kultura ordezkari. Iaz Jaurlaritzara egin zuen salto. Blanca Urgell kultura sailburuak deituta. Hizkuntza Politikarako sailburu ordea da. Patxi Baztarrika ordezkatu du zeregin horretan. Biak ere, Etxezarreta eta Baztarrika, Euskadiko Ezkerran elkarrekin ibilitakoak dira. Batek EAJrako bilakaera egin zuen; besteak, PSE-EEra.
 
Oro har, euskararen gainean, euskarazko hedabideen gainean eta gaur-gaurko politikako kontuen gainean jardungo du, gaur, martitzena Goiena Telebistan 19:45ean.

Zuzenean galderak egin!

Ikus-entzuleek, bide hauetako edozein erabilita egin ditzakete galderak:

  • Telefonoz: 943 25 05 03
  • Skype bidez: goienatelebista erabiltzailea
  • Facebook/goitb sare soziala erabiliz
  • Mezu bat bidaliz helbide honetara: magazinea@goiena.com. 
  • Livestream bidez, Telebista zuzenean Interneten. Bertan, saioa ikusteaz gain, galderak egin ahal izango dituzue.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.