Aritz Arrieta bozeramaile sozialistak azpimarratu du “bai Gipuzkoako Diputazioak zein Bizkaikoak etxeko lanak egiteke dituztela, autobus zerbitzu urria duen hirugarren munduko sistemari aurre egiteko”.
"Ez dute ezer egin"
Salatu du “garraio publikoa autobusez bideratzeko beharrezko tresnak” ipini behar direla eta ez direla egin behar “kontzientziazio kanpainak Mugikortasun Astea” delako, eta gero urte osoan gaia ahaztuta utzi. Arrietak gaineratu du kanpora begira Diputazioek “mugikortasuna oso garrantzitsua” dela esaten dutela, baina gero ez dutela ezer egin “autobus zerbitzu eraginkorra diseinatu eta auto pribatuaren erabilera eza bultzatzeko”.
Gure ibarrera etorrita, Arrasateko zinegotzi sozialistaren ustez Debagoiena ahaztuta dute Gipuzkoako eta Bizkaiko Diputazioek.
Eta Arrasatera etorrita, salatu du Arrasateko udal gobernua ez dela “gauza erakundeen arteko harreman normalizatuak” izateko eta egoera horrek “Arrasateko herritarren interesak kaltetu” egiten dituela.