Presoen eta oro har, kartzelen egoera berbagai izango da Debagoienean, oraingo astean eta hurrengoan. Hainbat hizlari gonbidatu ditu Espetxe Pastoraltzak lekukotasun zuzena emateko.
Arrasate eta Oñati
Aurreneko hitzaldiak eguenean, irailaren 17an dira, Arrasaten eta Oñatin. Arrasateri dagokionez, Kulturaten egin dute hitzordua, 18:30ean. Arantza Bajineta gizarte laguntzailea etorriko da; 25 urte dihardu hark Martutenen lanean. Hitzaldiaren izenburua, berriz, Birgizarteratu edo gizatiartu?
Oñatin, berriz, Arantza Azkuek (2006ko Boluntario sariduna) egingo du berba, Martuteneko esperientziaren gainean. Haren hitzordua ere 18:30ean da, Oñatiko kultura etxean.
Aretxabaletan, Auzmendi
Bukatzeko, irailaren 21ean Aretxabaletan egin dute hitzordua hitzaldi sorta horri amaiera emateko. Txema Auzmendi kazetari jesuita gonbidatu dute hizlari moduan. Ordua eta lekua konfirmatzeko dute oraindik.