Dagoeneko hartzeko moduan daude Debagoieneko Mankomunitateak atera dituen propagandaren aurkako pegatinak. Atarietan edo postontzietan bertan jarri daitezke pegatinok, horrela horietan uzten den publizitatea jasotzearen aurkako nahi adieraziz.
Kanpaina horren bidez, gure postontzietara iristen den bereizi gabeko eta gehiegizko propaganda gutxitu nahi da.
Izan ere, Gipuzkoako Hiri hondakinen aurtengo datuen arabera, zaborretara botatzen dugunaren %1,13a, hau da 202.617 kilo eta edukiontzi urdinetan jasotzen denaren %2024a, 50.600 kilo publizitate papera da. Hortaz, postontzietako publizitateak, urtero, Debagoienean 250.000 kilotik gora paper hondakin sortzen ditu, eta horietatik gehienak, %80a, zabor poltsetara botatzen dira.
Ostiralean jarri zuten martxan Propaganda Ez kanpaina eta erantzuna ona izaten ari dela azaldu digute Mankomunitatetik.
Pegatinak jaso daitezke ibarreko udaletxe guztietan eta Mankomunitateko bulegoetan. Behar izanez gero, postaz ere jaso daitezke, Mankomunitatean eskatuz 943 793399 telefonoan edo ingurumena@debagoiena.net posta elektronikora idatzita.