Taldeko kooperatibistek eguaztenean Donostian egindako batzarrean hartu zuten erabakia. Aldaketa garrantzitsua da. Horrela adierazi zuten atzoko agerraldian Euskadiko Kutxako arduradunek. Lagun Arora atxikita dauden 30.000 bazkideengan izango du-eta eragina. Aurrerantzean Mondragon taldeko bazkideek kotizatutako %60 gizarte segurantza sistema publikora joango da, eta %40 Lagun Arora. 27 puntu egingo du behera Lagun Arora kotizatuko dutena.
Horrek eragin zuzena izango du pentsio sisteman. Aurrerantzean pentsioaren zati handiena sistema publikotik jasoko dute taldeko kooperatibistek. Bazkideen adinaren arabera egingo da sistema aldaketa.