Aho batez hartu zuen elkartearen batzar orokorrak Otaloraren hautagaitzaren aldeko erabakia. Aurrerantzean, Espainiako Ginekologia eta Obstetrizia elkarteko kide ere izango da Otalora.
Argentinarra da Otalora, baina, familia euskaldunekoa; Aretxabaletakoak ziren bere arbasoak. 1976. urtean etorri zen Euskal Herrira Otalora, Argentinako diktaduratik ihesik. Gaur egun, Arrasateko Consultorio Ginecologico zentroan eta Donostiako Policlinican dihardu ginekologo lanean.
Zuzendaritza batzorde berriko beste kide bat ere Debagoienekoa da, Jose Ramon Serrano, hain zuzen ere. Serrano da Eskualdeko Ospitaleko Ginekologiako burua.
500 ginekologo
Euskadiko Ginekologia eta Obstetrizia elkarteak Gipuzkoa, Araba eta Bizkaiko 500 bat ginekologo eta obstetra batzen ditu. Elkarte horrek, besteak beste, jarduera zientifikoa eta ikerketa bultzatzen ditu, ginekologiaren eta obstetriziaren alorrean.