Osteoporosia 60 urtetik gorakoen artean ematen den hezurretako gaitza da, eta sintoma ohikoena mina izaten dela dio Arrizabalaga doktoreak. Gaixotasunari aurre egiteko farmakoak badaude, baina beti ez da farmakoak hartu beharra egoten. Gaixoak bere ohiturak aldatzen baditu, eta hainbat pauso jarraitzen baditu badu gaixotasunari aurre egiteko modua. Kirola egitea, adibidez, ohitura on bat da.
Gaztetatik zaindu beharra
Arrizabalaga doktoreak dio gaitzari aurre egiteko modu onena gaztetatik zaintzea dela. 30 urte bete arte hezurra formatzen dabil, hortaz kaltzio asko hartzea, kirola egitea, eta tabakoa eta alkohola saihestea, besteak beste, oso garrantzitsua da.
Menopausian, ohikoa
Miren Arrizabalaga doktorea debagoieneko ospitaleko ginekologia zerbitzuko kidea da. Emakumeetan osteoporosia , hormona kontuengatik dela ohikoa azaldu du. Hau da, emakumearen hezurra extrogeno deituriko hormonez babestuta dago, baina menopausian hezurra babes barik geratzen da. Horregatik da gaitza ohikoa emakumeengan.
Bestalde, haurdunaldian ohikoa izan ez arren, haurdunaldian osteoporosia kasu gutxi batzuk ematen direla esan du. Horri aurre egiteko, garrantzitsua hezurra haurdunaldira egoera onean iristea dela gaineratu du. Horregatik, garrantzitsua da gaztetan hezurrak zaintzea.