Debagoieneko ospitale berriko lanak aurrera doaz martxa onean. Hori da Jose Luis Angulo ospitaleko Gerenteak esan diguna: "Lanak egoera onean daude eta oraingoz epeak betetzen ari dira".
2010eko bigarren seihilekorako
Angulok esan digu 2010eko bigarren seihilekorako lanak amaituta egongo direla eta orduan inauguratu dutela ospitalearen zati berria. Lehenengo fase honetan eraikinaren zati bat egin dute, anbulatorioaren atzealdekoa, hain zuzen ere. Behin eraikin hori eginda, gaur egungoaren atzeko zatia, zati zaharra, bota egingo dute eta hantxe jarraituko dute eraikitzen. Hirugarren fasean, gaur egungo eraikinaren zati berria egokituko dute.
Amenabar enpresa dabil lanean
Bigarren fasea noiz hasiko den galdetuta, angulok dio "berehala" hasiko direla lanekin; eta ez dela etenik egongo fase baten eta hurrengoaren artean.
Lehenengo fase honetako lanak Amenabar enpresa dabil egiten.
Lan horiekin Debagoieneko ospitalea 74 ohe izatetik 120 ohe izatera pasako da. Baina hori ez da lanek ekarriko duten hobekuntza bakarra.
Espezializazio berriak
Lanak amaitzen direnean hainbat espezializazio berri izango ditugu Debagoieneko ospitalean: zaintza berezien gunea, haur eta amentzako gunea, egonaldi motzak, medikuntza prebentiboa, urologia, emergentzietarako unitate berria eta operazio-gela adimentsua, esaterako.