Medikuen sindikatua da, beraz, greba deialdiarekin bat egiten ez duen bakarra, horiek akordio propioa erdietsi baitzuten Osakidetzarekin. Gainontzeko sindikatuek uste dute Eusko Jaurlaritzak gerra adierazpena egin ziela langileei abenduaren 20an Osakidetzak lan baldintzak dekretuz onartu zituenean, eta gatazka luzea izango dela ohartarazi dute.
Urtarrilaren 29ko eta martxoaren 6ko grebez gain, sindikatuek eutsi egingo diete hainbat osasun zentrotan 17, 22 eta 24rako deitu dituzten kontzentrazioak. Era berean auto karabanak egingo dituzte urtarrilaren 23an Euskal Autonomia Erkidegoko hiru hiriburuetan. Otsailean ere lanuzteekin jarraituko dutela iragarri dute.