Ibarreko gazte bulegoetan lau txartel mota ateratzeko aukera dago. Aterpetxeetarako txartela, ikasle txartela, irakasle txartela eta nazioarteko gazte txartela. Ostatu hartzeko, museoak bisitatzeko edo erosketak merkeago egiteko aukera eskaintzen dute. Erabiltzaile gehienak gazteak dira, baina badaude helduendako edo familiendako txartelak egiterik ere. Erabilienak, baina, aterpetxeetarako txartela eta ikasle txartela dira.
Informazioa Interneten
Gazte bulegoetan opor lekuen inguruko informazioa ere eskaintzen dute. Gida ezberdinak dituzte eskuragarri, baina informazio gehiena, dagoeneko Interneten dago. Bi helbide interesgarri dira www.hihostels.com edo www.isic.org. Modan dauden opor lekuen artean Europa da aukera ohikoena. Frantzia, Portugal, Bretainia, Irlanda edo Holanda esaterako. Aukera berriak, baina, gero eta gehiago dira. Besteak beste Croacia, Estonia Lituania eta abar.
Txartel horien guztien inguruko informazioa ibarreko gazte bulegoetan aurkituko duzue. Abuzturako behar badituzue datorren astea duzue aukera ona herrian askotan bulegoak itxita egongo dira-eta abuztuan.