Nazioarteko mintegia ibarrean

Irailaren 21ean eta 22an, egubakoitza eta zapatua, nazioarteko mintegi bat egingo da Debagoienean, Mondragon Unibertsitateko HUHEZI fakultateak antolatuta: 'Zientziaren irakaskuntza eskoletan, proiektuetan oinarritutako irakaskuntzaren bidez' da izenburua.

Irailaren 21eko jarduera Eskoriatzan egingo da, HUHEZIn bertan; 22koa, berriz, Arantzazun. Mintegiak helburua du alderatzea Natur Zientziak zelan lantzen diren DBH edo Batxilergoan eta aztertzea zer aukera dauden etapa horietan proiektu bidezko irakaskuntza gauzatzeko.


Sei herrialdetako 33 adituk hartuko dute parte mintegian: Finlandia, Danimarka, Errumania, Txekia, Alemania eta Euskal Herria. Euskal Herrian bi kasu aztertu dira: Arizmendi eta Pasai Lezoko ikastolak. Xabier Arregi eta Arantxa Irigoras HUHEZIko irakasleek koordinatu dituzte azterketak.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.