Alberto Iñurrategik, Mikel Zabaltzak eta Juan Vallejok osatzen duen espedizioak Everest bide zailenetik igotzeko asmoa zuen, hots, munduko mendirik garaiena Hornbein korridoretik igotzea zen asmoa. Bada, euren helburua bete barik bueltatuko dira etxera. Izan ere, lehenengo ahalegin baten ostean espedizioak bigarren saiakera bat egiteko itxaropena zuen. Baina eguraldiak ez die utzi. Eguraldi iragarpenek aurreikusten dituzten haize gogorrek eta tenperatura baxuek ezinezkoa egiten dute igoera, eta espedizoa azken unera arte eguraldia hobetu zitekeen esperantzaz egon bada ere, amore eman behar izan dute.
Eguraldi iragarpenek aurreikusten zituzten haize gogorrek eta tenperatura baxuek Alberto Iñurrategiren, Juan Vallejoren eta Mikel Zabaltzaren bigarren ahalegin bat egiteko itxaropena zapuztu dute. Haize gogorrak –100 kilometro orduko baino gehiagokoak– sentsatzio termikoa zero azpitik 60 gradutarainokoa bihur dezake, eta tenperatura horietan oso zaila da gorputzeko zenbait atalen izozketa sahiestea. Beraz, orain hilabete inguru hasi zen abenturari agur esan diote Alberto Iñurrategik, Mikel Zabaltzak eta Juan Vallejok.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak